اجلعنا صفحة البداية l اضفنا للمفضلة ارسل لنا خبر وصورة

 

 
 

شرطة الشعب في خدمة الشوفيرية

شرطة الشعب في خدمة الشوفيرية


2016/06/30

اضغط هنا وساهم في نشر المقال على الفيس بوك



 

زميلنا كاشف العارف زلمه قانوني ومطبق أنظمة السير على أصولها وما بحب العوج!!،لدرجة أنه مرات لما يفوت على البلد بالسيارة وهو راجع من مشاويره بظل حاطط حزام الأمان لحتى يوصل ع الدار،مش "بقبعة" على  أول الشارع الرئيسي مثل بعض جماعة. المصيبه انه قسم من اهل البلد بصيروا يبحلقوا بزميلنا مستغربين وعلامات الدهشة والإستغراب على وجوههم على أساس انه سائح فايت ع البلد،وبعضهم بضحك بإستهزاء وسخرية "شو عامل فيها قانوني بعده حاطط القشاط"!!. مش هذا الموضوع، المهم خلال جولة تفقدية لكاشف العارف  للدواوين في البلدات المجاورة لشمشمة آخر الأخبار والتطورات،تفاجئ بصاحب محل تجاري في مدينة عربية حاطط لافتة وكاتب عليها "شرطة.. ضع حزام الأمان"،المهم كاشف العارف شحط بريك وأعطى غماز يمين وميل عند صاحب المحل يسأله شو قصة هاي اللافتة، فقال صاحب المحل بعد ما عرف انه كاشف العارف هو مواطن عادي ومش شرطي متخفي او  من تبعون الضريبة،كان مبارح حملة لدوريات شرطة السير بالبلد وكانوا نازلين خلع مخالفات عن جنب وطرف حتى عملوا مخالفات للناس اللي مش حاطين حزام الأمان وحطينا هاي اللافتة عشان الناس توخذ حذرها. سأله كاشف العارف طيب هذا الحكي مبارح ليه اللافتة بعدها.. رد صاحب المحل يا زلمه خليها مش راح تضر. والله أنا رأيي من رايك خليها يعني على الأقل لما الشوفيرية خاصة هدول اللي بحبوا "يشحطوا ويفحطوا" بشوفوا لافتة من هذا النوع يمكن يعمل ألف حساب أحسن ما "يخلعه" البوليس مخالفة تطلع من نافوخه.

اضف تعليق

l

اطبع المقال

عدد التعليقات : (1)

1-

تحياتي لشوفرية كفرمندا اللي بعد عندهم بقية من أعصاب .....
ولكن من جهة أخرى يا كاشف يعني هذول المساكين الشوفرية اللي بحبو " يشحطوا ويفحطوا " وين بدهن يشحطوا ويفجطوا ؟
على القمر ؟ أصلا هناك ما في حدا يشوفهم ... ولا حتى في صبايا


ناشف 2012/08/08  
اضافة تعليق

اضف تعليق

الاسم :*
البلد / الدولة :
التعليق :*


جميع الحقوق محفوظة لدى موقع كاشف كوم 2011-2012
(الآراء المنشورة في الموقع تعبر عن رأي كاتبيها فقط)

من نحن | ارسل لنا خبر | إتصل بنا